Grimanna í Ameríku

9 vikna

2007-05-30T22:06:00.000-07:00

Arndís Áslaug er 9 vikna í dag. Hún fór af því tilefni til læknis í gær þar sem hún var skoðuð, vigtuð og mæld. Hún er búin að þyngjast um 2 kíló á 2 mánuðum og stækka um 5 cm. Það telst nokkuð gott, ég myndi amk ekki vilja sjá aðra fjölskyldumeðlimi þyngjast hlutfallslega jafnmikið á skömmum tíma. Dr. Madsen (Daninn var ekki síðri í gær, orðinn dökkur eftir sólina sl. daga) greindi litlu kellinguna okkar með bakflæði og svo er hún kviðslitin. Hún er núna komin á lyf og virðist líða betur, við förum svo á morgun á barnaspítalann þar sem hannað verður sérstakt unit í rúmið hennar svo hún liggi í réttri stöðu. Við kviðslitinu er ekkert gert og það á að ganga til baka innan árs.
Hrafnhildur Hekla er alsæl í sólinni og fílar í botn að vera hálfberrössuð á daginn. Á morgun er síðasti dagurinn hennar í leikskólanum og búið að fylla ísskápinn af keyptum cupcakes til að gefa krökkunum, en það á ekki að reyna baksturinn aftur.
Grímur er búinn að skila lokaritgerðinni og á eftir eitt próf á mánudaginn. Ég nýti tímann sem eftir er til að versla á netinu og skanna fjölbreytt vöruúrval í USA. Ég er sem betur fer á heimleið þar sem ég hef upp á síðkastið fundið fullmikið af góðum konfektbúðum. Afi Siggi kemur svo á sunnudaginn til að pakka og ferja liðið heim. Við leggjum af stað eftir tvær vikur, ótrúlegt að ferðin sem við 3ja manna fjölskyldan fórum af stað í til Davis sé á enda og við að koma heim frá Seattle með auka mann. Bandaríkjamaðurinn er kominn með bandarískt vegabréf og social security númer svo hún kemst með okkur heim og ég get kannski loksins farið að fá afsláttarkort í GAP út á númerið hennar.
Jæja, sjáumst á landinu góða eftir tvær vikur.

AB

Grímur er voða duglegur að taka myndir og setja á myndasíðuna.

B&B kombóið, bjór og barnavagn í bekkjarparýi hjá Grími

Boddí frænka og Hekla

Boddí frænka og Arndís Áslaug

Ný myndasíða

2007-05-01T21:33:00.000-07:00

Það er komin ný myndasíða, www.hressi.fotki.com, þar sem þið getið fylgst með síðustu vikum familíinski í Seattle. Kallinn er nú kominn með áhuga á ljósmyndun og æfir sig grimmt. Hann vantaði alveg áhugamál til að sinna í öllum frítímanum sem við höfum. Lykilorðið inn á síðuna er nafnið á götunni þar sem fyrsta íbúðin okkar var (með litlum og engum íslenskum stöfum). Þeir sem ekki muna það eða vita en hafa brennandi áhuga á að skoða myndirnar geta sent okkur póst, anna.erlingsdottir@gmail.com eða grimur@landslog.is
Við erum annars bara hress, Arndís Áslaug dafnar vel og ríkur upp úr öllum þyngdar- og hæðarkúrvum þessa dagana. Hrafnhildur Hekla er afskaplega góð við systur sína, vaknar á morgnana og talar um hvað hún sé sæt og byrjar svo að púkast við foreldra sína. Við erum búin að vera ein í tvær vikur og það verður óneitanlega gott að koma heim og fá aðstoð frá ömmum og öfum aftur.

Hrafnhildur Hekla og amma Addý í nálinni.

Borghildur kom í sólahring til okkar frá Palo Alto. Það var voða gott að sjá hana og kíkja með henni í búðir en hún færði að sjálfsögðu öllum gjafir eftir að hafa skroppið í verslunarferð til Seattle.

Ég næ því miður ekki að seja inn fleiri myndir en vísa í nýju síðuna góðu.

AB

Fyrsta vikan

2007-04-05T21:11:00.000-07:00

Við þökkum kærlega fyrir allar kveðjur og gjafir sem við höfum fengið síðustu viku. Lífið hjá Arndísi Áslaugu er fremur einfalt, hún drekkur, sefur og kúkar. Hún er voða góð og stillt og hefur greinilega ekki erft það frá stóru systur að sofa ekki á daginn. Stóra er mjög ánægð með sitt hlutverk og var mjög montin að fara með myndir af systur sinni á leikskólann til að sýna krökkunum. Hún reynir að sjálfsögðu að ganga eins langt og hún mögulega getur með foreldra sína enda er dáldið flókið að þurfa að deila gamla liðinu.

Svarti fíni hárlubbinn.

Á leið í 6 daga skoðun hjá Dr. Madsen

Pabbinn með skvísurnar.

Hrafnhildur Hekla tók þessa því mamman þorði því ekki. Daninn er helvíti huggulegur, andlitið var að sjálfsögðu sett upp og gamla tróð sér í gömlu gallabuxurnar.

Amma Addý átti afmæli og afi eldaði nautalundir í tilefni dagsins. Fyrsti rauðvínssopinn í marga mánuði var afar ljúfur.

Arndís Áslaug Grímsdóttir

2007-03-30T15:57:00.000-07:00

Miðvikudagskvöldið 28.mars kl 20:51 fæddist litla skottan okkar. Hún var 51 cm og 14 merkur og fæðingin gekk nokkuð vel fyrir sig. Við fórum upp á spítala kl 10 um morguninn til að kanna hvort eitthvað væri í gangi. Þá var ekki aftur snúið, vatnið farið og 4 í útvíkkun. Mamma og pabbi rétt náðu í hús, fengu fimm tíma svefn og svo hent í barnapössun. Litla kelling fór síðan frekar hægt í þetta allt saman og var að dóla sér að pína mömmuna fram yfir kvöldmat þegar mátti fara að koma henni út. Hún er náttúrulega alveg yndisleg, sefur, drekkur og kúkar en verður reið þegar eitthvað er ekki eins og það á að vera. Það virðist samt vera tiltölulega auðvelt að gera henni til hæfis, gefa henni brjóst. Hrafnhildur Hekla er mjög ánægð að vera stóra systir, vill stöðugt vera hjá henni en er ekki alveg með takmörkin á hreinu og búið að reyna á ýmislegt síðastliðinn sólarhring frá því við komum heim af spítalanum. Áður en við yfirgáfum sjúkrahúsið var bandaríski ríkisborgarinn nefndur Arndís Áslaug í höfuðið á uppáhalds ömmunum. Hér eru svo nokkrar myndir frá fyrsta sólarhringnum.

Ekki aftur snúið, mætt í sloppinn og til í átökin.

Andað í símann í gegnum eina netta hríð, Borghildur á línunni, stödd á Hawai með kampavínsglasið. Ólíkt hafast þær systur að.

Fyrsta myndin með ma&pa saman.

Alveg eins og Hrafnhildur Hekla þegar hún var skrúbbuð fyrst. Þær eru mjög líkar systurnar en Arndís Áslaug er með töluvert dekkra hár.

Komin heim til stóru systur, þær eru ekki alveg í sömu stemmningunni.

Enn bara þrjú

2007-03-26T22:06:00.000-07:00

Það bólar ekkert á barni hér, við erum svo sem alveg róleg þar sem enn gætu verið rúmlega tvær vikur til stefnu til að allt gæti talist eðlilegt. Helsta undirbúningi er lokið, núna er bara verið að þurrka af gardínum í annað og þriðja skipti. Við förum til læknisins í fyrramálið og sjáum hvað hún segir. Það er mikil spenna að fá ömmu og afa til okkar en þau verða mætt í Radfordið þriðja árið í röð annaðkvöld. Hrafnhildur ætlar að taka sér frí í leikskólanum á miðvikudaginn til að vera með þeim en ég held að hún sé ekki með það á hreinu að hún megi ekki opna páskaeggið, sem mér skilst að sé um borð, þá.
Annars eru bara allir hressir, Grímur búinn í vorfríinu og byrjaður í skólanum, Hrafnhildur farin að krefjast þess að töluð sé enska við matarborðið og ég búin að finna mér shake sem kemst helvíti nálægt því að vera Hagamelur. Sem betur fer er ég amk 15-20 mín að keyra þangað, annars myndu ferðirnar vera fleiri en ein á dag. Það voru vonbrigði að keyra þangað í dag, lokað á mánudögum. Svo eru það myndir síðastliðins mánaðar.

Sleepover er nýtt sport hjá Hrafnhildi Heklu. Það tók hana smá tíma að vilja vera með Arndísi og Andreu í þeim pakka en nú virðist hún brött. Hún gisti reyndar hjá Andreu um helgina og vaknaði upp kl tvö af því hún gleymdi að segja bless við foreldra sína. Mér skilst að henni hafi tekist að vekja hin þrjú börnin og aðskilja foreldrana það sem eftir var nætur. Hún spurði mig í dag eftir að við höfðum beðið eftir Grími í 45 mín fyrir utan bókabúð hvort ég héldi að hann hefði kannski farið í sleepover hjá einhverjum?

Hrafnhildur að læra heima.

Barnið að taka mynd af foreldrum sínum fyrir utan nálina. Hefði svo sem getað verið hvar sem er.

Hrafnhildur Hekla og Bubbi á krakkasafninu.

Bubbarnir fara yfir stöðuna. Hvað er kallinn að mæla?

Hamingjusamar búðarkonur.

Erna er rosalega góð að mála kisur með lokuð augun.

Ferðinni á krakkasafnið lokað með einum starbucks.

Fyrir þá sem hafa áhuga á bumbum. Þessi er 38 vikna.

Í afmæli hjá skólasystur sinni sem var haldið í íþróttasal og var gríðarleg stemmning.

Fékk gamla aðeins til að skokka með sér.

Viltu raka á honum hárið?

2007-02-15T20:30:00.001-08:00

Grímur dró okkur mæðgur áðan út að borða í tilefni dagsins, og endaði ferðina inni í tóbaksbúð, sem er nú ekki frásögur færandi. Afgreiðslumaðurinn var af múslimsku bergi brotinn og virtist mjög hrifinn af Hrafnhildi. Gefum honum orðið:
"Who is this pretty girl?"
Grímur: "Hann er að segja hvað honum finnst þú falleg stelpa".
Afgreiðslumaður: "Can I keep her?"
Grímur: "Hann er að spyrja hvort hann megi eiga þig!"
Afgreiðslumaður: "Do you wan´t to stay with me here?"
Grímur: "Hann er að spyrja hvort þú viljir raka á honum hárið".

Annars þakka ég fyrir afmæliskveðjurnar sem ég hef fengið í dag, gjafir og símtöl. Mér þykir afar vænt um þetta allt saman, komin á þennan aldur, alein og vanfær lengst úti í heimi.

Anna

Bloggleysi

2007-02-14T19:21:00.000-08:00

Ástæðan er 24. Við hjónin höfum nú loksins fundið okkur sameiginlegt áhugamál og dælum diskunum í spilarann. Hrafnhildur Hekla fer að sofa fyrir átta, svo er maraþon áhorf hjá okkur á kvöldin og látum okkur dreyma Bauer á nóttunni. Tölvan lenti einnig í smá óhappi svo vélin hefur ekki verið tæmd og lítið farið fyrir því að taka myndir. Það hefur ítrekað verið óskað eftir því að sjá bumbumyndir en þær eru frekar fáar, amk bumbumyndir þar sem barnið er í bumbunni. Ég læt þó eins og eina til tvær detta.

Mæðgurnar

Kjéllingin

Í dag er dagur elskanda hér í USA. Hrafnhildur Hekla fór með Valentínusarbók fyrir vinkonu sína í leikskólann og fékk aðra í staðinn. Hún fór líka með kort handa kennurunm sínum þar sem hún skrifaði sjálf undir eins og sjá má á myndinni. Þetta er augljóslega stórt H, lítið e, k, l og a.

Myndaannáll frá jólum

2007-01-10T20:43:00.000-08:00

Búin að tæma myndavélina frá Californiuferðinni og ætla henda nokkrum inn ef ske kynni að einhver skoði ennþá þessa síðu. Ferðin var mjög hugguleg í alla staði ef við sleppum flugferðinni á leiðinni til Seattle þar sem ég hélt að þessu væri lokið. Við skruppum í stuttar dagsferðir frá Palo Alto, borðuðum góðan mat og höfðum það gott. Hrafnhildur Hekla stóð við orð sín og hætti með snuddu. Hún var búin að segjast ætla hætta um jólin þegar hún myndi hitta frændsystkini sín, á aðfangadagsmorgun vaknaði hún og spurði hvort jólin væru komin, gekk að ruslafötunni og henti uppáhaldinu. Ég hélt að þetta myndi aldrei gerast því hún var sérlegur snuddufíkill og fékk sér sog á hlaupum ef hún sá henni bregða fyrir.
Nú er lífið að komast í fastar skorður á ný, Grímur og Hekla byrjuð aftur í skólanum, byrjaði að snjóa í dag og undirbúningur fyrir nýja fjölskyldumeðliminn að fara af stað. Mér skilst að við höfum upplifað einhvern þann súrasta vetur veðurfarslega séð í Seattle í manna minnum. Ég geri ráð fyrir að leikskólar og annað verði lokað á morgun og allt fari í steik hjá Kananum.
Hvað áramótagetraun Gríms varðar hef ég enn ekki komist að því hvert svarið er en ég held að þetta sé í beinu framhaldi frá fyrra heiti og tengist því að hann ætlar ekki að gera neitt sem honum þykir leiðinlegt á árinu. Gleðilegt ár, Anna

Börnin í Barnes Court á aðfangadag.

Fullorðnir í Barnes Court á aðfangadag.

Það fór aðeins fyrir gjöfum þarna á gólfinu.

Afmælisdagur Gríms, skelltum okkur í mini-golf og svo á Cheescake. Því miður gleymdist myndavélin þá en afmælissnúðurinn fékk að sjálfsögðu ís með stjörnuljósi sem mágsa hans pantaði.

Tvö eins.

Önnur tvö eins.

Rúmlega 6 mánaða bumba þarf ekki að vera fyrirstaða.

Tennur í verðlaun fyrir góðan árangur.

Sætar frænkur í vísindasafni í San Jose.

Tyrkinn klár á gamlárs.

Sódavatn-e systur á góðri stund eftir sósugerð. Þess má geta að önnur þeirra hefur getið sér gott orð í módelbransanum og er með öll helstu trix á hreinu.

Þær einu sem höfðu pláss fyrir eftirmatinn.

Hildur Theodóra og Gimmi frændi.

Komin heim til Seattle. Hrafnhildur klæddi sig sjálf og réði algjörlega ferðinni. Mér skilst að ég geti lítið sagt og barnið erfi þetta trúlega frá mér. MACið mitt er í hættu og hún heimtar bara Björgvin Halldórsson á fóninn. Þó líði ár og öld getur bætt upp öll leiðindi.

Hún stjórnaði ferðinni líka þarna og valdi þennan búnað til að fara út og leika í snjónum fyrir kvöldmat.

Mjög ánægð með snjóinn og spennt að vita hvort það verði frí á morgun í leikskólanum.

Farin í jólafrí

2006-12-22T08:53:00.000-08:00

Erum á leið til Californiu eftir nokkar mínútur þar sem við ætlum að eyða jólum og áramótum í faðmi Borghildar, Viðars og fjölskyldu. Við viljum óska ættingjum og vinum gleðilegra jóla og farsældar á nýju ári og þakka fyrir öll jólakortin sem við höfum fengið, en við sendum út um áttatíu kort og erum búin að fá fjögur.

kveðja, Grímur, Anna og Hrafnhildur Hekla

Myndir á eftir desembergetraun.

2006-12-13T21:18:00.000-08:00

Byrjum á Thanx. Við hittumst nokkrar fjölskyldur heima hjá Sollu og Gunna og borðuðum mikinn og góðan mat. Flestir segjast saddir við tilhugsunina en við værum bara til í meira. Þarna eru skvísurnar þrjár, Hrafnhildur Hekla, Arndís og Andrea.

Gönnsó sá um stuffing og bara nokkuð sáttur. Enn sáttari var undirritaður þegar hann fékk að vaska upp eftir eldamennskuna.

Gríðarlegt álag á drengjunum, Gunni, Grímur og Hjalti.

Singstar keppni var haldin eftir mat og rústuðum stelpurnar strákunum. Og ég valtaði gjörsamlega yfir kallinn enda gerir hann nú flest betur en að syngja.

Það snjóaði í tvo daga í Seattle og allt fór rugl.

Hrafnhildur Hekla var sátt við þetta og fékk frí í leikskólanum þessa daga því það lamaðist allt. Hún reynir yfirleitt að komast hjá því að fara í leikskólann og segir núna á morgnana að það sé hálka og við komumst hvergi.

Söknuður í Seattle. Helmingur fjölskyldunnar okkar síðastliðna þrjá mánuði kvaddi okkur fyrir viku. Það var dáldið erfitt en rosa gott að hafa þau þennan tíma sem við vorum að aðlagast aðstæðum. Sem betur fer býr fleira gott fólk á svæðinu svo við hljótum að spjara okkur.

Þau bjuggu hjá okkur síðustu 12 dagana og buðu fjölskyldunni á argentískt steikhús í þakklætisskyni.

Hvort ætlaði hún að skoða sig eða myndina af sér í speglinum?

Jólaball Íslendingafélagsins. Hrafnhildur er dáldið smeik við sveinka en Andrea gat hjálpað henni þegar hún var spurð hvað hún vildi fá frá honum, stelpan vill barbiehouse.

Við héldum litlu jólin kvöldið áður en helmingurinn yfirgaf okkur, borðuðum kalkún og skiptumst á pökkum. Aðeins að saxa á spennuna hjá Hrafnhildi, babyborn verður heit fram að jólum.

Það er ekki hægt að segja annað en maður sakni hans!

Hrafnhildur er búin að vera heima sl þrjá daga með stíflaðan nebba og smá hósta. Við fórum í druggann í gær og keyptum stöff fyrir hana og hún er betri í gær en í dag. Það kemur kannski ekki á óvart að pabbi hennar, sem snýtir sér bara í aloa vera pappír, keypti þurrkur með lotioni og mýkingakrem undir nefið fyrir barnið.

Svo er það græja ársins. Fórum í Costco í fyrradag og keyptum þessa. Það er ekki hægt að horfa á hana og segja að maður þurfi ekki svona græju. Ég þurfti aðeins að sannfæra Grím en ég heyrði hann í dag tala um litla kútinn sinn og eiga orðaskipti við ryksuguna. Við skelltum okkur í bíltúr í gær að skoða jólaljósin og svo út að borða. Þegar við komum heim var kvikindið búið að ryksuga íbúðina. Hvað getur maður sagt?

Gunni og Mæja gáfu Hrafnhildi þetta súkkulaðidagatal. Ef myndin prentast vel sést að Hrafnhildur misskildi tvennt við gjöfina: a) hugtakið dagatal, og b) hvernig ætlast er til að ná molunum úr prísundinni. Held henni hafi verið nokkuð sama.

Minni að lokum á desembergetraunina. Góð tilgáta hjá Önnu Þorbjörgu, en ekki rétt. Áramótaheit krefst aga, þolgæðis og festu. Skemmtiferð til Santa Monica er frábær hugmynd, en inniheldur ekkert af framangreindu.

Kv. A & G

Desembergetraun

2006-12-13T19:37:00.000-08:00

Góðir hálsar, hin geysivinsæla desembergetraun heldur áfram göngu sinni. Eins og allir vita var áramótaheitið mitt um síðustu áramót að vera betri við sjálfan mig. Það hefur að mestu leyti gengið eftir, þó auðvitað hafi ekki allt farið eins og til var ætlast. Nú er hins vegar komið að nýju áramótaheiti og spurningin er: Hvert verður nýja áramótaheitið mitt? Svör sendist afgreiðslu merkt Ósérhlífinn. Verðlaunin eru sem fyrr mánaðargisting í Davis, nánar tiltekið að Eastlake Apartments.
Myndir á leiðinni.

Sónar og síðustu dagar

2006-11-22T21:51:00.000-08:00

Þessi færsla er nokkrum dögum fyrr á ferðinni en tölfræðimynstur doktorsins segir til um en ég ákvað að skjóta inn nokkrum velvöldum myndum núna.

Við fórum í sónar fyrir nokkrum dögum og allt kom glimrandi vel út. Grímur gerir athugasemdir í hvert skipti sem við förum í sónar varðandi tímann sem ég eyði í að púðra á mér nefið fyrir brottför, en það er gaman að segja frá því að sónarmennirnir eru hinir myndarlegustu piltar á mínum aldri. Þeir eru ekki mikið fyrir að gefa út nákvæmar dagsetningar um komu barnsins, segja okkur bara að búast við því um mánaðamót mars/apríl.

Á föstudaginn fengum við Arndísi í næturheimsókn. Litlu vinkonurnar voru bara brattar og vildu gista saman í gestarúminu.

Ég hélt að það myndi aldrei ganga upp en þarna sváfu þær alla nóttina eða þangað til Arndís kallaði á mig kl 7 og sagði mér að nóttin væri búin og kominn nýr dagur.

Á laugardaginn vorum við svo boðin í jólamat til Jóns Bjarna og Magneu. Það var voðalega huggulegt en mér fannst leiðinlegt að þau reyndu að eitra fyrir mér og Maríu með diet kóki, best before 25.08.2005.

Litli kúturinn okkar sem er bráðum að fara til Íslands var líka hjá JB&M, bara nokkuð hress eins og venjulega.

Á sunnudaginn fórum við svo á framandi slóðir en þá var okkur boðið í mat hjá tveimur af afgönsku vinum hans Gríms. Þetta var ansi magnað og skemmtilegt og þeir buðu okkur upp á þjóðarrétti Afgana, hrísgrjónarétt, pasta, baunir, lambakjöt og kjúkling. Þeir voru í rúmlega 3 klukkutíma að elda þetta og lögðu sig alla í þetta. Grímur sagði þeim að hann hefði alltaf haldið að það tæki bara 20 mín að sjóða pasta og hrísgrjón.

Afganarnir voru mjög hrifnir af Hrafnhildi Heklu og annar þeirra teiknaði mynd af henni á meðan hún borðaði. Hann sagði að hún yrði pottþétt fjórða Miss World sem Íslendingar myndu eignast!

Hrafnhildur teiknar mynd af Afgananum. Henni hefur farið gífurlega fram í að teikna og skrifa síðan hún kom hingað. Eins og sést er þetta kall og hún skrifar M, B, A, S, G, E, H, I, O, D...út um allt og á alla pappíra sem hún finnur.

Annars er litla kellingin miklu hressari í leikskólanum þessa dagana og farin að sletta dáldið sem við erum bara ánægð með, amk ennþá.

Grímur er líka hress í sínum skóla, er nú á lokasprettinum og fer í jólafrí 15.des. Afganarnir sendu honum þessa mynd sem var tekin af þeim félögum fyrr í haust. Ég fór í fyrsta tímann í enskunámskeiðinu mínu í gær, er með nokkrum Kínverjum, Japönum, einum Eþíópíubúa og einum Írana. Nú fer misskilningurinn að byrja hjá mér.

Á morgun er það svo Thanksgiving. Förum í mat með 10-15 öðrum Íslendingum og allir skaffa eitthvað. Við sjáum um sósu, salat og sætar.

Gott í bili, AB

Þetta mánaðarlega...

2006-11-07T11:08:00.000-08:00

Hrafnhildur og Arndís með íslenskar fiskibollur frá ömmu Addý.

Á meðan borðuðu þessi krabbarisotto.

Margnotaður barbieprinsessubúningur, þarna á leið í graskerútskurðarpartý.

Í Halloweenpartýi í UW. Fann aðra barbieprinsessu og hlammaði sér hjá henni.

Eina myndin sem til er af gömlu, Hrafnhildur Hekla fékk að spreyta sig.

Mér skilst að við séum búin að upplifa mesta kulda og mestu rigningu í Seattle. Hrafnhildur Hekla kemur alltaf vel útbúin á leikskólann og liðið hefur aldrei séð 66°N pollafatnað, spyr bara hvað þetta sé. Ég held að Seattlebúar ættu að kynna sér málið.

Á leið í trick or treat heima hjá Arndísi.

Prinsessan og drekinn, í sannkölluðu halloweenskapi.

Litli grís á bólakafi að ná sér í nammi.

Meira blók og myndir

2006-10-18T20:53:00.000-07:00

Nú er kominn tími á nýjar myndir og með því. Fyrstu gestir frá Íslandi eru komnir og farnir, Grímur á fullu í skólanum og Hrafnhildur Hekla heldur áfram að berjast á sínum stað. Ég fékk þær fréttir í dag að hún hefði talað í fyrsta skipti á leikskólanum, var í einhverjum leik og sagði red og blue. Þetta er bara allt að koma! Svo er ég bara luxury kelling sem fer á kaffihús, í búðir, á róló, þvæ þvott og elda mat.
Hrafnhildur Hekla er búin að fá sér búning fyrir laugardaginn því þá förum við í graskersboð. Við hjónin skildum því miður Hörpu og Stinna eftir heima en hljótum að finna einhverjar kollur.
Hér eru svo nokkrar myndir frá síðasta mánuði.

Hrafnhildur Hekla fékk þetta barbie hjól í afmælisgjöf frá ma&pa.

Úfin og sæt að opna afmælispakkana sem biðu hennar við rúmið.

Hrafnhildur Hekla og Arndís Gunnarsdóttir, vinkona hennar.

Fórum í partý eitt kvöldi og Hrafnhildur Hekla sagði þegar hún vissi hvert hún væri að fara að hún yrði að fara í bæinn fyrst og kaupa sér nýjar gammósíur og gloss fyrir kvöldið. Ef það er önnur stelpa á leiðinni verður pabbinn að fá sér aukavinnu, það er ekki hægt að reka þrjár svona.

Fyrsta klippingin í Ameríku.

Reyndum að sýna ömmu, afa og Magnúsi helstu staði borgarinnar þegar þau komu í heimsókn. Eigum að vísu eftir að fara í nálina. Hrafnhildur er búin að lofa að halda í höndina á ömmu sinni.

Fórum út að borða í tilefni hálfrar aldar afmæli ömmu gömlu.

Í tennis með pabba á campús.

Og litli kútur sem Hrafnhildur tuskar til alla daga en vill vera svo góð við.

Útskrift úr undirbúningsnámskeiði

2006-09-29T20:11:00.000-07:00

Undirbúningsnámskeiði fyrir LL.M. prógrammið lauk fyrir um tveimur vikum. Að venju var mikið um dýrðir við útskrift og má segja að endahnúturinn hafi verið bundinn með pompi og prakt. Samtímis byrjaði LL.M. prógrammið formlega.
Því miður var ég ekki með myndavél meðferðis í veislunni, en góðvinur minn, Salahoddin Aryapur (frá Afganistan) var svo elskulegur að senda mér myndir úr veislunni. Hann sendi mér einnig mynd af sjálfum sér, ef ég skyldi ekki vita hver sendi mér myndirnar. Læt þær fylgja með.
Að síðustu er birt getraun októbermánaðar, en hún felst í að finna undirritaðan á formlegri útskriftarmynd undirbúningsnámskeiðisins. Verðlaunin eru að venju eins mánaðar dvöl í Davis.
Njótið vel, og innilegar þakkir fyrir hlý orð í minn garð í tilefni uppáferðarinnar.
G.

Amerískur borgari

2006-09-26T21:26:00.000-07:00

Bandarískum ríkisborgurum mun fjölga á næsta ári um að minnsta kosti einn því von er á öðru Grímsbarni. Áætlaður komutími barnsins er 28.mars 2007 og meðgangan því komin 14 vikur áleiðis. Það ríkir að sjálfsögðu mikil gleði og spenna yfir þessu öllu saman. Við erum búin að fara í heimsókn á spítalann þar sem barnið mun fæðast og komin með lækni sem við munum hitta einu sinni í mánuði og kemur svo til með að taka á móti barninu. Þess má til gamans geta að þessi ágæti læknir, Dr. Eckert, tók á móti gleðipinnanum Gunnari Magnúsi fyrr á árinu. Ekkert er sem sagt kona og afskaplega yndæl. Við getum einnig sagt frá því nú að væntanleg koma barnsins var ein meginástæða þess að við fluttum okkur til Seattle en tryggingamál varðandi meðgöngu og fæðingu eru mun betri í Whasington en í Californiu.

Kveðja í bili frá familí Sigurdsson.

Hekla opnar pakka

2006-09-23T23:40:00.000-07:00

Fyrsti í afmæli

2006-09-22T19:09:00.000-07:00

Hrafnhildur Hekla fékk að halda upp á afmælið sitt í leikskólanum í dag því á morgun, afmælisdaginn, er frí. Foreldrarnir komu klukkan ellefu og sögðu sögur af því hvað hún hefði gert fyrstu þrjú ár ævi sinnar og sýndu myndir. Krakkarnir virtust voða spenntir og sungu svo fyrir hana afmælissönginn. Eftir mat átti hún svo að fá að bjóða krökkunum upp á eitthvað gott. Húsmóðirinn hélt að hún væri að gera mjög gott mót með því að baka í stað þess að kaupa tilbúið. Það var því hent í rice crispies fyrir liðið og Hekla mjög sátt og hlakkaði mikið til að gefa kökurnar (ekki svo oft sem hún hlakkar til einhvers á leikskólanum!). Þegar kom svo að því að bjóða upp á heimagerðu kökurnar kom í ljós að gleymst hafði að láta vita að það er bannað að koma með að heiman, verður að vera innpakkað þegar börnin fá góðgætið í hendur. Það gæti einhver sett eitthvað út í kökurnar. Greyið litla skildi ekki mikið í þessari reglu og var vægast sagt vonsvikin að mega ekki bjóða nýju vinunum sínum upp á kræsingarnar. Svona fær maður það í hausinn að vera myndarlegur! Kökurnar verða bara á boðstólnum á morgun, þ.e. það sem eftir er af þeim.

Nokkrir litlir grísir á leikskólanum, í afmælishringnum hennar Heklu.

Vinirnir, strákurinn í röndótta bolnum er sá fyrsti sem hefur verið kallaður "vinur minn" hérna af Heklu og sæta stelpan næst okkur bauð henni heim til sín á sunnudaginn og er alltaf rosa góð við hana.

Krys (dáldið spennt..) og krakkarnir. Krys er rosa góð og helsta ástæðan fyrir því að Hrafnhildur Hekla vill vera á leikskólanum.

Pabbinn segir sögur af Heklu.

Með afmæliskórónuna að borða sænskar kjötbollur með strákunum (setti hana aðeins upp fyrir þessa einu myndatöku, neitaði annars að bera kórónuna).

Skammtur II

2006-09-18T21:57:00.000-07:00

Á staðnum hennar Önnu Tobbu í Santa Monica

Á leið í heita pottinn í Davis

Ný splittútfærsla hjá Boddí, köllum þetta Ameríkusplitt. Annars var hún að sýna mér nýju skóna sína.

Undirbúningur hafinn fyrir hrekkjavöku

Pabbi sýnir tengdasonum sínum hvernig á að grilla nautalundir. Grímur heldur að hann þurfi ekki að kunna þetta.

Viðar prúðbúinn á veitingastað fyrsta kvöldið okkar í vínsmökkunarferðinni

Familíinski fær sér hádegismat í Napa.

Gunni, Malí, mammsan og Adda Mæja hress.

Beðið eftir St.Erling

Þau voru bara í vatninu.

Hjónin sæl og glöð.

Og frúin ein og sér.

Grímur og Viðar kláruðu kvöldið með smá dansi við börnin.

Glaðasta barnið í öllum heiminum

Myndaskammtur

2006-09-18T11:09:00.000-07:00

Loksins erum við búin að hlaða inn myndum frá síðasta mánuði, hér er brot af því besta m.a. frá kveðjuferðinni um Kalí.

Örlítið öfugsnúin

Sviðsskrekkur er ekki það sem hrjáir frænkurnar, tóku léttan dans á götu í Palo Alto.

Svo þurftu þær að fara í bað

og nú er allt komið í rugl og tölvan neitar að setja inn fleiri myndir, þarf kannski aðeins að venjast þessu. Reyni aftur á eftir.

Enn af tungumálum

2006-09-15T13:59:00.000-07:00

Ég var að fá þær upplýsingar áðan að til að taka þátt í Asian Law programminu sem ég er skráður í þarf maður að tala amk eitt Asíumál. Prógrammið byrjar á mánudaginn.

Networking

2006-09-13T18:11:00.000-07:00

[Afgani (hvíslar meðan hann opnar ferðatölvuna sína)]: This is so boring I must play games!
[Hress (brosir)]: Yes, but did you attend the lecture yesterday?
[Afgani]: Hu?
[Hress]: With the woman with the blond hair?
[Afgani]: No I borrowed it?
[Hress]: No, the woman with the blond hair yesterday, she was really boring.
[Afgani]: No, the University of Washington lent it to me, I can use it here.
[Hress]: OK, but I was talking about the teacher with the blond hair.
[Afgani]: No, I can not connect it to the TV.

[Afgani (stuttu seinna eftir að ég hrósa honum fyrir mynd á desktoppnum af honum sjálfum með sólgleraugu)]: I use Skynet to enter the Internet, it is the cheapest. What do you pay for Internet?
[Hress ]: Actually, my internet account is included in my rent, so I don't pay for internet directly.
[Afgani]: Then you can come to my house to use the internet. I will write my address for you.

[Afgani (um 2 klst seinna þegar kennslu lýkur)]: Are you coming to my house now to use the internet?

Svona kynnist maður fólki í USA.

"No, my wife does not drink alcohol"

2006-09-12T14:20:00.000-07:00

svaraði japaninn Takihara mér þegar ég spurði hann: "Does your wife like to be here".

Upprisinn

2006-09-08T20:51:00.000-07:00

Kæru gestir og gangandi.
Fyrsta vikan í skólanum (í Seattle, fyrir þá sem misstu af síðustu færslu) búin. Heilt yfir lítur þetta ákaflega vel út. Búinn að sitja tíma í amerískum lögum sem hafa verið misáhugaverðir, en þeir skemmtilegu taka öðru út sem maður hefur kynnst. Prógrammið sjálft er reyndar ekki byrjað, heldur er þetta valkvætt undirbúningsnámskeið. Nemendahópurinn skiptist þannig að þarna eru 20 Afganar (svona dökkbrúnir), um 60 Asíufólk (þ.e. frá öðrum Asíulöndum en Afganistan) og restin er frá Þýskalandi og Íslandi (en Andreas fer reyndar heim þegar þetta undirbúningsnámskeið er búið). Það lítur því út fyrir að ég verði kominn með ansi skemmtilega kontaktaðila að ári.
Gaman að segja frá því að Kínamaðurinn Ralf sótti um tvo skóla í USA og komst inn í báða. Fyrstur til að giska á hver hinn skólinn er fær ókeypis gistingu í Davis til júníloka.
Kínakonan Feye átti ekki orð yfir öllu sem ég sagði henni - sama hvort ég hefði séð Aurora (vona hún hafi átt við norðurljósin) eða að ég talaði íslensku (sem hún skrifaði hjá sér fyrir neðan nafnið mitt).
Annars gekk ferðalagið hingað frá Californiu vel, brunuðum þessar 800 mílur í einum rykk, leyfði barninu að hlaupa einu sinni út til að pissa. Fyrir vikið sáum við enga skóla í Oregon sem ég hefði getað sótt um.
Annars eru Afganir best skóaða þjóð sem ég hef kynnst. Þeir eru undantekningalaust í stífbónuðum, támjóum leðurskóm, þeir alflottustu sem ég hef séð. Svona lærir maður, hver veit nema ég fái mér par.
Anna hendir inn myndum von bráðar og kannski ferðasögum frá LA, San Fran, Pacific Coast Highway og fleiri stöðum sem við erum búin að heimsækja (bara 47 eftir).
Hress.

Húsmóðirin tekur völdin.

2006-08-21T21:29:00.000-07:00

Þetta blogg virðist eitthvað vefjast fyrir sumum svo ég hef ákveðið að taka völdin hér. Eins og áður hefur komið fram erum við að fara flytja til Seattle. Davisinn virkaði bara því miður ekki nógu vel fyrir okkur af ýmsum ástæðum. Hver hefði getað trúað þessu upp á kallinn???
Það er því dáldið skrýtið að hanga hér vitandi það að við erum á leiðinni norður en við ætlum að bíða eftir brósa sem kemur á næstu dögum og heimsækja www.stanfjord.blogspot.com. Mér skilst að það sé jafnvel von á fleiri fjölskyldumeðlimum? Við tókum þó smá forskot á sæluna um helgina og eyddum henni í faðmi Barðastrandarbúa. Það var voða huggó og gott að koma til þeirra. Hrafnhildur Hekla var óneitanlega hamingjusöm að hitta krakkana eftir að hafa verið í hlutverkaleik með foreldrum sínum í tvær vikur þar sem hún er ýmist mamman, ég er stóra systir og Grímur er lilli eða hún er Lína, ég er Anna og Grímur er Tommi.
Annars er alveg gríðarlega heitt hérna og eiginlega ekki hægt að vera úti. Við fórum í göngutúr áðan milli 6 og 7 og komum inn eins við hefðum hlaupið með Ármannssyni á laugardaginn (sem sumir gerðu víst). Það er ekki hægt að blogga nema maður minnist aðeins á veðrið. Ég ætla gera tilraun til að henda inn nokkrum myndum.

Bis später, AB

Hrafnhildur Hekla að ræða málin við Hildi Theodóru í bílnum.

Barnið horfir einstaka sinnum á Dýrin í Hálsaskógi. Hún vaknar upp á nóttunni og spyr pabba sinn af hverju Mikki segi og geri hitt og þetta.

Gunni frændi þótti almennt mjög fyndinn og skemmtilegur.

Systkinin og Hekla á The Cheescake Factory

Feðginin á röltinu í Davis

Að lokum er það glæsivagninn.

Fréttir að Vestan

2006-08-17T21:26:00.000-07:00

Eins og kom fram í síðustu viku var okkur ráðlagt að fara í frí áður en skólinn byrjar hér í Davisborg. Við brugðumst skjótt við og héldum til Seattle að heimsækja Gunna, Mæju og Gunnar Magnús sem við höfðum aldrei séð. Flugum á föstudaginn síðasta og heim aftur á þriðjudag. Ferðin var stórskemmtileg og mikil upplifun. Við vorum reglulega hrifin af Seattle og háskólanum þar. Þar sem ég hafði á sínum tíma fengið inni hjá þeim hafði ég samband við LL.M. stjórann hjá þeim, sem tók afar vel á móti mér. Í stuttu máli sagt höfum við ákveðið að færa okkur um set og flytja til Seattle. Ég byrja í skólanum þar 1. september og klára 15. júní. Auðvitað fylgir þessu talsvert bras en það er bara gaman af því.
Ef einhvern vantar þriggja herbergja íbúð í Davis þætti mér vænt um að heyra frá viðkomandi.

Myndir frá ævintýrum okkar vestan hafs verða settar inn um leið og ég er búinn að læra almennilega á þetta blessaða blogg.

Davis

2006-08-10T14:31:00.000-07:00

Þá erum við sest að í höfuðborg Yolo sýslu, Davis 95616. Komin með símanúmer, internet og flatskjá, rauðan Extorp og Ivar bókahillu. Bættum sænska Smálandametið í innpökkun þegar við tróðum tveimur innkaupakerrum og king hjónarúmi í Explorerinn. Eina sem ég á eftir að gera er að kaupa Cable, eftir það get ég sest niður með snickers og bjór, alveg eins og í Danmörku.
Nýi bíllinn okkar er awesome, leðurklæddur Explorer, 200 hestar í húddinu, sex diska magasín og sun roof. Sílsalistar og þakbogar, hvað er hægt að biðja um meira?
Skólinn byrjar eftir viku, Beth vinkona okkar Garðars, sagði mér að hafa það nice þangað til, því eftir fimmtudaginn næsta liti ég ekki glaðan dag fyrr en í fyrsta lagi upp úr Thanksgiving. Hún áttar sig þó væntanlega ekki á því að ég er enginn avarage Kani (þó hún hafi sagt að ég liti alls ekki út eins og Íslendingur, og þegar ég spurði hana hvort það væri complement sagði hún já, ég væri alveg eins og Kani), en ég verð sennilega að blaða aðeins í einhverjum orðabókum uppúr miðjum ágúst. En, í þessu ljósi, erum við að velta fyrir okkur að skreppa til Seattle, þar sem Gunnar Örn hefur haft aðsetur síðustu áratugi, og kanna kosti borgarinnar.
If you want to read this færsla in English, press here.

Styttist í Ameríku

2006-07-31T17:05:00.000-07:00

Þrír dagar í Ameríkuför og spennan óbærileg. Eina sem er eftir er að kaupa lýsi fyrir Hrafnhildi Heklu og tekjublaðið fyrir Önnu.